ភ្នំពេញ៖ ក្រសួងសុខាភិបាលបានបិទជាបណ្តោះអាសន្នមន្ទីរសម្រាកព្យាបាលឯកជនឈ្មោះ«មេសុងមេឌីកាល់» ដោយសារអវត្តមានអ្នកទទួលខុសត្រូវ និងផ្លាស់ប្តូរបុគ្គលិកមិនបានជូនដំណឹងទៅក្រសួងសុខាភិបាល។

មន្ទីរពេទ្យឯកជន «មេសុងមេឌីកាល់» មានទីតាំងនៅផ្ទះលេខ០៨ ផ្លូវលេខ១២២ សង្កាត់មិត្តភាព ខណ្ឌ៧មករា រាជធានីភ្នំពេញ។

 ក្នុងសេចក្តីសម្រេចរបស់ក្រសួងសុខាភិបាលចុះនៅថ្ងៃទី២៦ ខែធ្នូ ឆ្នាំ២០២៣ បានបញ្ជាក់ឱ្យដឹងថា៖«អគ្គនាយកបច្ចេកទេសសុខាភិបាល ប្រធាននាយកដ្ឋានមន្ទីរពេទ្យ ប្រធានមន្ទីរសុខាភិបាលនៃរដ្ឋបាលរាជធានីភ្នំពេញ និង លោកវេជ្ជបណ្ឌិត តូច ស៊ីផាន់ណាល់ មានភារកិច្ចអនុវត្តសេចក្តីសម្រេចនេះ តាមភារកិច្ចរៀងៗខ្លួនឱ្យមានប្រសិទ្ធភាព ចាប់ពីថ្ងៃចុះហត្ថលេខាតទៅ»៕